TB 搶飯碗？

編按：香港電台節目《自己人》5周年慶，推出《一家人吖嘛》系列，由4位節目主持人帶同家人現身說法，講述出櫃的故事。本欄一連四周同步發放。第三集分享的是主持人Uncle Magie 和她的哥哥Oliver。

---

進行今集訪問前，本聽說對象是TB Magie 以及很支持她的哥哥Oliver。未料談及對同性戀的觀感時，Oliver 一開口即說， 「憎囉！」見到大家反應愕然，他補充道：「我唔介意gay，我憎TB 之嘛！」看着妹妹，他說： 「我都同你講過架，我最憎TB 嘅，爭飯食！」眾人恍然大悟。Oliver 繼續闡述他的市場理論：「gay 係好架，佢mark 咗一條（男仔）走，我又可以少個對手了；TB（唔吼我哋男仔），佢本身已經係衰啦，仲要mark 多條女走，咁係咪好衰先？」原來他不是歧視，是市場競爭下的自然反應。

「我去過加拿大讀書，在Waterloo，有間全國最大的gay club，見到，嘩幾靚仔喎，好在佢係攣架唧！」換轉是見到兩個靚女疑似搞基，Oliver 作為直男的第一反應就是「搞錯呀，係咪咁嘥呀？又少咗個機會！」

Oliver 說起廿年前的當日，同性戀者仍然比較忌諱，不會將自己的性傾向告訴別人，現在卻有很大改變；尤其是社會壓力減輕了，不少女生抱着「一試無妨」的心態自願變攣。「你話有幾多TBG 本身就攣架？佢哋（TB）好乞人憎架，因為自己係女仔，明白女仔嘅需要多啲，而且女女之間嘅保護罩又少啲，好易就溝到女，拗到啲女仔攣晒。」

結婚生子的限制

Magie 也覺得，lesbian 的「實驗性」是比男同志強些，也不時遇上「玩嘢」的TBG。在她自己的4次拍拖經驗裏，有3次的對象原本都是喜歡男性的，而餘下的一個，也是雙性戀者。似乎純正的TBG 真的不多。但這現象某程度上亦是社會限制造就的。

Magie 的第二個女朋友，分手後與一名男性結婚生子了，但對朋友提及Magie 時，仍然念念不忘說其實很愛她，覺得兩人的相處是最完美的。可惜在今日社會裏，兩個女性仍然很難達成結婚生子的願望，但組織家庭一直是她的理想，唯有放棄與Magie 一起，回到「直人」的陣營。

相比起來，Magie 可算是「天賦異稟」的女同志，她說小學時已想拍拖，心儀對象還是女性。她覺得自己的性取向應是遺傳的。兩兄妹異口同聲說，每逢家族中人結婚擺酒，親戚之間光是顯眼的TB 也見到幾個，還未計外表看不出來的TBG 和男同志。

雖然從市場角度討厭TB，Oliver 畢竟是個自由主義者。他在中學時留意到Magie 打扮改變，又常帶女性朋友回家過夜，已心裏有數。「可能我自己都是比較『自私』的人，覺得自己鍾意就無問題，唔鍾意人哋過問我，亦都唔覺得要逼人哋改變，要佢做番個女仔。」

有一日，Oliver 用平常不過的語調問Magie，「妹呀，我有朋友想去les bar，你知唔知邊度有？」Magie 當時心裏大為詫異：「我從來都無come out 過，都唔知答唔答佢好，答咪即係認咗？」於是她裝作不懂行情：「哦，我試下搵下啦。」

今天憶述這件事，Oliver 一臉無辜，「我都無諗住試佢，真係有朋友搵嘛。」Magie 就很欣賞哥哥的態度，「佢覺得（同性戀）係無嘢到唔需要拎出嚟講，去討論『我接唔接受你』。如果佢要刻意去證實我是同性戀，我覺得都仲有少少歧視，但佢根本唔當係一件事，覺得普通到無正式去問嘅必要。」

父母那關就不是那麼容易過。Oliver 說，初時父母的態度是「無眼屎乾淨盲，唔問、唔睇、唔信」。爸爸思想開放些，一向比較容易接受新事物，雖然都不希望女兒是同性戀，但知道她選定了也就慢慢接受，現在甚至會跟Magie 交換衣服穿。「佢無用文字或者說話去表現『我接納你』，但每逢家人聚會，總會預留我女朋友的位置，如果佢有事嚟唔到，又會問我，要唔要打包畀佢食。」

「娘親就係個好堅貞嘅女人，所有嘢都好堅持嘅──結婚、生仔。」對着媽媽，Magie 足足come out 了3次， 「因為佢死都唔信，唔接受，唔approve。」

緋聞鬧上周刊

第一次的出櫃考驗是十來歲，女朋友的家長向Magie 媽媽投訴， 「搞基搞親佢個女」，Magie 隨即發揮她的男子氣概：「得！你唔好理，我會搞掂！」

「第二次就係我20幾歲，有晚佢喊住喺房等我，問『你係咪鍾意女仔？你照實話我知，究竟你想點吖？』」Magie 見到媽媽這樣傷心，就含糊以對說其實自己都未肯定，她解釋，這樣說也不是完全為了「打發」媽媽，因為的確見過不少女同志，20多歲出來工作後會變回異性戀者，當中還有TB，所以也覺得難以斷定自己一定不會變。

再過了10年，Magie 三十多歲，因緋聞上了周刊封面，被爸爸在街上看到，媽媽立即打電話要她回家交代。回到家中，爸爸在房裏不吭聲，媽媽獨自坐在沙發上恭候。

Magie 裝出一副笑臉問：「做咩事要咁樣呢？吹水新聞嘛，我同個女仔無嘢嘅，八卦雜誌係咁架啦。」媽媽不放過她：「但你係咪鍾意女仔先？」「咁就係嘅。」Magie 繼續大事化小：「但我真係唔覺有咩咁大不了，所以，你都唔好覺得咁大不了啦。我行出街都無人歧視我、或者覺得我有問題，但係返到屋企竟然有人歧視我，你覺得我嘅感受係點呢？」

Magie 覺得已經把話說清楚了，自問明明無問題，也生活得很好，如果媽媽一定要拒絕接受，要令自己不開心，她亦愛莫能助。

同性戀打破了媽媽的傳統觀念，也令Magie 兩兄妹的角色有了改變。小時候紮着兩條「小甜甜式」大孖辮的Magie，總是被哥哥照顧的一個，自然也會聽哥哥話。長大了後，身為TB 的Magie 可能習慣了照顧人，又覺得Oliver 留學加拿大回來，比同齡的香港朋友都純品，便常常不自覺當了他是弟弟，擔心別人欺騙他。

「現在感覺好似兩兄弟一樣，雖然不會講婆媽嘢，但大家知道是交心的。佢有時感情有煩惱都會同我傾，在我面前會露出軟弱一面，細個時就唔會。」Magie 說，「不過諗返轉頭，我都好幸運有呢個阿哥，幫手造就咗我攣得咁爽、咁放、咁自由！」


《明報》- 星期日生活 - 星期日談情 - 2011-05-29